ՙՋՄ Հոլդինգ՚ ՍՊԸ հիմնադիր Վիտալի Գրիգորյանցի ջանքերով ՙԱրցախգազ՚ ՓԲԸ-ում իրականացավ ևս մեկ ներդրումային ծրագիր

«Արցախգազ» ՓԲԸ մեքենատրանսպորտային պարկը համալրվել է նոր ավտոմեքենաներով:


Այսօր, օգոստոսի 21-ին «Արցախգազ» ՓԲԸ գործադիր տնօրեն Սեյրան Միքայելյանը հանդիսավոր պայմաններում ընկերության վարորդներին հանձնեց ներդրումային 3-րդ փուլով ձեռք բերված գործարանային արտադրության թվով 8 ՈՒԱԶ մակնիշի ուղևորաբեռնատար ավտոմեքենաների բանալիներ: Մեքենաները նախատեսված են հատուկ բարձր լեռնային պայմաններում աշխատելու համար: Վարորդների ընտրություն կատարելիս տնօրինությունը նախապատվությունը տվել է երկարամյա աշխատողներին ու առավել փորձառուներին, որոնցից է «Արցախգազ» ՓԲԸ Շուշիի արտադրաշահագործման տեղամասի վարորդ, արցախյան պատերազմի մասնակից, հաշմանդամ Ցոլակ Գաբրիելյանը:



Ներդրումային ծրագրի առաջին փուլով ձեռք է բերվել ժամանակակից ուղևորատար «Ֆորդ Տրանզիտ» ավտոմեքենա, որը փոխարինել է սովետական արտադրության «ՌԱՖ» ավտոմեքենային:

Ընդհանուր առմամբ 2017 թվականից սկսած մեքենատրանսպորտային պարկի թարմացման նպատակով մասնավոր սեփականատիրոջ կողմից ներդրվել է մոտ 131 մլն. դրամ գումար, որի արդյունքում ձեռք են բերվել թվով 11 շարժակազմեր: