ՎՃԱՐԵՔ ՍՊԱՌԱԾ ԲՆԱԿԱՆ ԳԱԶԻ ԴԻՄԱՑ ԱՌՑԱՆՑ՝ PAY.ARTSAKHGAZ.AM, IDRAM, MOBYDRAM ՎՃԱՐԱՅԻՆ ՀԱՄԱԿԱՐԳԵՐԻ ՄԻՋՈՑՈՎ    ////   PAY.ARTSAKHGAZ.AM սպառած բնական գազի առցանց վճարման համակարգ:  //      Անվտանգության կանոններին ծանոթանալու համար այցելեք www.artsakhgaz.am  ՙԱՎՆՏԱՆԳՈՒԹՅԱՆ ԿԱՆՈՆՆԵՐ՚ բաժին: //      Սեպտեմբերի 5-ը Արցախում նշվում է որպես գազամատակարարման համակարգի աշխատակցի օր: *     1960թ. ԼՂԻՄ Ստեփանակերտ քաղաքում, առաջին անգամ, ստեղծվեց հեղուկ գազի մատակարարման տեղամաս: 
ԳԱԶԱՖԻԿԱՑՄԱՆ ՔԱՐՏԵԶ

375000, ԱՐՑԱԽԻ ՀԱՆՐԱՊԵՏՈՒԹՅՈՒՆ

ք. Ստեփանակերտ,

Տիգրան Մեծ նրբ. 28

«Արցախգազ» ՓԲԸ

Էլ. հասցե` artsakhgas@mail.ru

Հեռ.1-04 |

ՙԱրցախգազ՚ ՓԲԸ գործադիր տնօրեն Սեյրան Միքայելյանի շնորհավարոկան ուղերձը գազահամակարգի աշխատակցի օրվա առթիվ

«Արցախգազ» ՓԲ Ընկերության իմ սիրելի կոլեկտիվ, արդեն որերորդ անգամ պատիվ ունեմ շնորհավորել Ձեզ, սեպտեմբերի 5-ի գազահամակարգի բնագավառի աշխատակցի տոնի կապակցությամբ: Օրը մի առիթ է խոսելու արվածի ու անելիքների մասին: Այն, որ Ընկերությունը կայուն քայլերով շարժվում է առաջ տեսանելի է անզեն աչքով: Այդ մասին խոսում են մեր կողմից վճարված հարկերն, իրականացված ներդրումներն ու բացված նոր աշխատատեղերը:

Մեր առաքելությունն է ապահովել անխափան և անվտանգ գազամատակարարում: Խոսելով կատարված աշխատանքի մասին կարող ենք ուրախությամբ նշել, որ Արցախում 2019 թվականի ընթացիկ ժամանակահատավածում փաստացի եկնագույն կրակից արդեն իսկ օգտվում են մոտ 30 հազար բնակիչ-բաժանորդներ և հիմնարկ ձեռնարկություններ:

Անվտանգության երաշխիքներից ելնելով 2019 թվականին առավել լայն թափ է տրվել Ընկերության կողմից մատուցվող ներտնային ցանցի սպասարկման ծառայությանը: Ողջունելի է, որ բաժանորդները հետզհետե առավել գիտակցաբար են մոտենում անվտանգության խնդրին, դրա ապացույցն է մոտ 60% կնքված պայմանագրերը: Անվտանգության սարքավորումների տեղադրմանը զուգահեռ իրականացվում է է նաև ներտնային ցանցի գազատարների կարգավորում, ծխաօդատար ուղիների սպասարկում:

2019թ.-ին դրությամբ բաժանորդներից ստացվել և ընթացքավորվել են տարբեր հարցերի վերաբերյալ շուրջ 705 դիմումներ:

Սեփականատիրոջ կողմից իրականացված ներդրումների շնորհիվ արդիականացվել է «Արցախգազ» ՓԲԸ մեքենատրանսպորտային պարկը, իրականացվել են իրենց շահագործման ժամկետը սպառած տարբեր ճնշման գազատարների փոխարինում: Ընդ որում փոխարինվել է Տող-Հադրութ մայրուղային գազատարի 2,7 կիլոմետրանոց հատվածը, որը մշտապես վթարների և կորուստների պատճառ էր հանդիսանում:


2019 թվականին անց ենք կացվել Դրմբոն-Գետավան մայրուղային գազատար, որը հնարավորություն է տալիս նաև հարակից գյուղերին օգտվել բնական գազից:


Արդյունքները խոսում են «Արցախգազ» ՓԲԸ կոլեկտիվի քրտնաջան աշխատանքի մասին: Եվ այս տոնական օրը մենք պարզապես պարտավոր ենք այս մասին նշել ու արժևորել կատարված աշխատանքը:

Իրականացվում են աշխատանքներ Ուխտաձոր համայնքի գազաֆիկացման նպատակով: 2019թվականի ընթացքում երկնագույն կրակը հասցվել է նաև Ասկերանի շրջանի Կարմիր Գյուղ:

Սիրելի գործընկերներ. ևս մեկ անգամ շնորհավորում եմ Ձեզ գազահամակարգի բնագավառի աշխատակիցների տոնի կապակցությամբ: Ցանկանում առողջություն, երջանկություն: Մեր բոլոր ջանքերը ուղղված են հանուն մեր Արցախ աշխարհի զարգացման ու բարգավաճման: Եվ, որպես «Արցախգազ» ՓԲԸ գործադիր տնօրեն հետ այսու ևս խնդրում և պահանջում եմ չխնայել ջանք ու եռանդ հանուն մեր առաքելության՝ անվտանգ ու անխափան գազամատակարարման իրականացման: