Սույն թվականի դեկտեմբերի 9-ին «Արցախգազ» ՓԲ ընկերությունում, գործադիր տնօրեն Սեյրան Միքայելյանի հանձնարարությամբ, կազմակերպվել էր աշխատանքային խորհրդակցություն, որը գլխավորում էր Ընկերության գլխավոր ճարտարագետ Նորայր Մովսեսյանը: Ներգրավված էր ներտնային ցանցի սպասարկման ծառայության ողջ անձնակազմը՝ պետ Գագիկ Ավետիսյանի գլխավորությամբ, պատասխանատու ստորաբաժանումների ղեկավարներ: Հրավիրված էր Ստեփանակերտ քաղաքի ոստիկանության վարչության պրոֆելակտիկայիբաժնի պետ՝ մայոր Լ. Ասրյանը: Մասնակցում էին նաև շրջաններում գործող արտադրաշահագործման տեղամասերի պետերը:

Խորհրդակցության նպատակը վերջին ժամանակներում բաժանորդների շրջանում արձանագրված թունավորման դեպքերի ուսումնասիրություն էր:

Ներկաները իրենց ելույթներում կարևորեցին բաժանորդների շրջանում գազից օգտվելու անվտանգության կանոնների պահպանման ուղղությամբ քարոզչական աշխատանքի ուժեղացման անհրաժեշտությունը:

«Արցախգազ» ՓԲԸ տեղխնիկական տեսչության և գազի վերահսկողության բաժնի պետ Գեորգի Ղարամյանը իր խոսքում առանձնահատուկ խիստ կերպով կարևորեց ներտնային ցանցի սպասարկման ծառայության փականագործների պատասխանատու վերաբերմունքը իրենց աշխատանքային պարտականությունների հանդեպ:

Ստեփանակերտ քաղաքի ոստիկանության վարչության պրոֆելակտիկայիբաժնի պետ՝ մայոր Լ. Ասրյանը խոստացավ այսուհետ ևս իրականացնել գործուն ջանքեր ոստիկանության համապատասխան ստորաբաժանումների և «Արցախգազ» ՓԲԸ ներտնային ցանցի սպասարկման ծառայության միջև համագործակցությունը ինչպես մայրաքաղաքում, այնպես էլ շրջաններում ապահովելու նպատակով:

«Արցախգազ» ՓԲԸ պայմանագրային-իրավաբանական բաժնի պետ Գրիգորի Հարությունյանը Ընկերության արտադրաշահագործման տեղամասերի պետերին տվեց հանձնարարական վերահսկողության ներքո պահել բաժանորդների հետ պայմանագրերի վերակնքման գործընթացը՝ համաձայն ԱՀ հանրային ծառայությունները և տնտեսական մրցակցությունը կարգավորող պետական հանձնաժողովի որոշման, հիշեցնելով, որ Ընկերությանը գործընթացն ավարտելու համար տրված է վերջնաժամկետ մինչև 2020թ.-ի հունվարի 1-ը:

Խորհրկացությունից հետո տեղի ունեցավ արդյունքների ամփոփում՝ «Արցախգազ» ՓԲԸ գործադիր տնօրեն Սեյրան Միքայելյանի գլխավորությամբ: