Այսօր, օգոստոսի 14-ին, «Արցախգազ» ՓԲԸ գործադիր-տնօրեն Սեյրան Միքայելյանի և Արցախի Հանրապետության Նախագահ Արայիկ Հարությունյանի միջև տեղի ունեցած հանդիպման ժամանակ ձեռք բերվեց պայմանավորվածություն մայրաքաղաքի Վ. Վաղարշյան փողոցի մայթերի շինարարության և ասֆալտապատման նպատակով հնարավորինս կարճ ժամանակում իրականացնել միջին և ցածր ճնշման վերգետնյա գազատարների տեղափոխման աշխատանքներ: Նախագահի հետ պայմանավորվածությունը անմիջապես կյանքի կոչելու նպատակով Ընկերությունը ներգրավել է շինմոնտաժային լավագույն բրիգադներն ու մասնագետներին:
«Արցախգազ» ՓԲԸ տեղեկացնում է, որ գազատարների տեղափոխման աշխատանքները առավոտվանից արդեն իսկ լայն թափով ընթանում են և հնարավոր են ժամանակավոր գազանջատումներ դրանցից սնուցովող հարակից փողոցներում: Սպասվող անջատումների մասին Ընկերությունը կհայտարարի հավելյալ:
